VGKSA Robertson Moedergemeente

VGKSA Robertson is ‘n gemeente met ‘n ryk geskiedenis wat oor byna 118 jaar strek. Die gemeente het in 1907 onstaan met die eenvoudige doel om ‘n tuiste vir kerklose siele te skep. 

Hierdie missionale gerigtheid is steeds ‘n sentrale aspek van ons kerkwees vandag. Oor die jare van bediening het die gemeente in ‘n wonderlike geloofsfamilie gegroei waar almal welkom en geliefd voel. Die liefdes meëlewing van ons lidmate gee ‘n sigbare gestalte aan die grootste gebod van Jesus in Matteus 22: 39 “jy moet jou naaste liefhê soos jouself”. 

As gemeente is ons ook deel van die breë Verenigende Gereformeerde Kerk in Suider-Afrika (VGKSA) familie en funksioneer dus binne die Kaaplandstreek sinode. 

Ons bestaan uit 850 belydende lidmate. Die gemeente se bedieningsveld strek oor die hele Robertson, asook  die omliggende plase wat as buite wyke bekend staan.